हाम्रो बारेमा
Fish Nepal – “मस्त्य परामर्श सेवा प्रणाली” लुम्बिनी प्रदेश सरकार, कृषि, भूमि व्यवस्था तथा सहकारी मन्त्रालय अन्तर्गत पशुपन्छी तथा मत्स्य विकास निर्देशनालय, बुटवलद्वारा विकसित गरिएको एक मोबाइल आधारित डिजिटल प्लेटफर्म हो। यस प्रणालीको उद्देश्य नेपालमा मत्स्य पालन (Aquaculture) क्षेत्रको दिगो विकास, उत्पादकत्व वृद्धि तथा किसानको आम्दानी सुधार गर्नु हो।
नेपालको भौगोलिक विविधता, फरक–फरक जलवायु अवस्था तथा स्थानीय खेती प्रणालीका कारण मत्स्य पालनमा स्थानअनुसार फरक–फरक प्राविधिक जानकारी आवश्यक हुन्छ। “मस्त्य परामर्श सेवा प्रणाली” ले यही आवश्यकतालाई मध्यनजर गर्दै माछा किसान, प्राविधिक तथा सरोकारवालाहरूलाई समयमै, व्यवहारिक तथा स्थान विशेष अनुरूपको परामर्श सेवा मोबाइलमार्फत उपलब्ध गराउँछ।
यस प्रणालीले प्राविधिक ज्ञानलाई सजिलो, बुझ्न योग्य र प्रयोगयोग्य बनाउँदै प्रत्यक्ष रूपमा प्रयोगकर्ताको हातमा पुर्याउने काम गर्दछ।
हामी के गर्छौं
- माछा पालन सम्बन्धी प्राविधिक जानकारी (पोखरी व्यवस्थापन, आहार व्यवस्थापन, पानीको गुणस्तर, प्रजाति छनोट आदि) प्रदान गर्ने
- मौसम तथा ऋतु अनुसारको परामर्श दिई योजना निर्माण र जोखिम व्यवस्थापनमा सहयोग गर्ने
- रोग, किराहरू तथा उत्पादनसम्बन्धी समस्याको पहिचान र व्यवस्थापनमा सहयोग गर्ने
- दिगो, वातावरणमैत्री तथा जलवायु अनुकूल मत्स्य पालन अभ्यास प्रवर्द्धन गर्ने
हाम्रो लक्ष्य (Mission)
नेपालको मत्स्य पालन प्रणालीअनुसार उपयुक्त, भरपर्दो तथा डिजिटल परामर्श सेवा प्रदान गरी माछा उत्पादन वृद्धि, आम्दानी अभिवृद्धि तथा दिगोपन सुनिश्चित गर्नु।
हाम्रो दूरदृष्टि (Vision)
नेपालभरिका माछा किसानहरूलाई ज्ञान, प्रविधि र निर्णय–समर्थन उपकरणमार्फत सशक्त बनाउने विश्वसनीय राष्ट्रिय डिजिटल प्लेटफर्मको रूपमा स्थापित हुनु।
यो प्लेटफर्म कसका लागि हो?
- साना, मध्यम तथा व्यावसायिक माछा किसानहरू
- मत्स्य प्राविधिक तथा कृषि विस्तारकर्मीहरू
- सहकारी संस्था तथा किसान समूहहरू
- स्थानीय तह तथा विकास साझेदार संस्थाहरू
हाम्रो प्रतिबद्धता
“मस्त्य परामर्श सेवा प्रणाली” प्रविधिमा आधारित समाधानमार्फत नेपालका माछा किसानहरूलाई सही समयमा सही जानकारी उपलब्ध गराउँदै मत्स्य क्षेत्रको समग्र विकासमा योगदान गर्न प्रतिबद्ध छ।